Фонд за ликвидност на приватен сектор (ФЛПС) е фонд во сопственост на РСМ и е формиран за спроведување на мерката за поддршка на компаниите кои ја реинвестираат добивката за 2021 година преку субвенционирање на договорната камата по кредити земени од банките за ликвидност.
Фондот го администрира Развојна Банка на Северна Македонија АД Скопје. За оваа цел од Владата на РСМ во ФЛПС се распределени средства во износ од МКД 120,000,000. Средствата од Фондот може да се користат врз основа на принцип прв дојден прв услужен.

Кредитот е ново одобрен (договор за кредит склучен по доставување на известувањето (писмо за интерес) од страна на РБСМ до Банката за субвенционирање на договорна камата) и истиот е одобрен и исплатен во денари

Развојна Банка, обврската по основ на договорот за пристапување кон долг за плаќање на договорната камата ќе ја исполнува до 5-ти во месецот. Банката е должна да го информира кредитокорисникот за склучениот договор за пристапување кон долг и за преземената обврска од страна на РБСМ да ја плаќа каматата. Кредитокорисникот се ослободува од плаќање на договорна камата кога РБСМ ќе ја исполни преземената обрска согласно договорот за пристапување кон долг.

Во случај кредитот по кој Развојна Банка пристапила кон долг да биде предвремено вратен од страна на кредитокорисникот или ако премине во нефункционално побарување, Банката во рок од 5 дена треба да ја информира РБСМ со цел да се исклучи тој кредит од одобрената Спецификација за субвенционирање на камата за наредниот период. Ако РБСМ има веќе префрлено средства за субвенционирање на камата, Банката е должна да ги врати уплатените средства.

Еден квалификуван кредитокорисник може да користи субвенција за камата за кредит само во една банка и за еден кредит

Максималниот трошок за камата кој може да биде субвенциониран кон еден кредитобарател изнесува МКД 1,200,000