Кога ќе ја подигнете вашата картичка од Банката

• Веднаш потпишете ја картичката на нејзината задна страна.
• ПИН е скратено од личен број за идентификација (Personal Identification Number). Никој не треба да го знае Вашиот ПИН, дури ни Вашата финансиска институција.
• Запомнете го ПИН кодот - никогаш не го запишувајте.
• Доколку го менувате Вашиот ПИН, немојте да внесувате некој кој може лесно да се погоди (на пр. датум на раѓање).
• Не го откривајте Вашиот ПИН никому и не го чувајте Вашиот ПИН заедно со картичката. Така, секој има директен пристап до Вашата сметка.

Кога правите трансакции

• Додека го внесувате Вашиот ПИН, секогаш користете ја Вашата друга рака да ги сокриете бројките.
• Чувајте ги потврдите од трансакциите на продажни места и од подигната готовина на банкомати за истите да ви послужат за проверка со дневните и месечните извешати кои ги добивате од Банката.
• Проверете ги износите на трансакциите за да се осигурате дека е точен износот кој го одобрувате со внесувањето на ПИН кодот, Безконтактно или Вашиот потпис.
• Осигурајте се дека продажното место Ви ја вратило картичката и Вашата копија од потврдата за направената трансакција.
• Ако Вашата картичка издадена од Силк Роуд Банка АД Скопје е изгубена или украдена, Ве молиме пријавете го инцидентот најбрзо што можете на тел 02 3203 555, 24 часа на ден.

Како треба да внимавате при користење на Банкомат

• Осигурајте се дека никој не стои премногу блиску до Вас додека сте пред банкоматот.
• Никогаш не прифаќајте помош од непознато лице, додека извршувате трансакција на банкомат.
• Покријте ја Вашата рака додека го внесувате ПИН кодот за да се осигурате дека никој не ги гледа бројките што ги внесувате.
• Бидете сигурни дека не сте ја оставиле картичката или парите во банкоматот пред да заминете.
• Во случај кога банкоматот ќе Ви ја земе Вашата картичка, Ве молиме пријавете го инцидентот најбрзо што можете на тел 02 3203 555, 24 часа на ден.

При купување на интернет

• Купувајте само од интернет-сајтови на проверени компании во кои имате доверба.
• Интернет продавниците кои не ја поседуваат оваа ознака https:// го немаат 3D Secure стандардот и како такви носат зголемени ризици од можна злоупотреба. Осигурајте се дека интернет-страницата на која ги внесувате податоците од Вашата картичка е безбедна - побарајте сликичка од клуч или заклучено катанче на долниот десен дел од екранот и проверете дали интернет-адресата започнува со https:// наместо со http://.
• Доколку добиете известување за дополнителна автентикација со еднократен код од 3DES Secure безбедносниот систем, истиот ќе Ви биде испратен во СМС порака на телефонскиот број што сте го пријавиле во Банката. Откако ќе го добиете овој верификациски код, потребна е задолжителна проверка на СМС пораката, односно увид на трговецот кон кој вршите плаќање, како и износот кој го плаќате. Доколку трговецот и износот од пораката се совпаѓаат со Вашето плаќање, го внесувате кодот во прозорецот кој ќе се отвори на интернет-страницата со цел да се реализира плаќањето.
• Никогаш не го внесувајте ПИН кодот - тој никогаш не е потребен за вршење нарачка при купување на интернет.
• При вршење нарачка преку Интернет, продавачот најчесто ги бара следните податоци: име и презиме, адреса, број на картичката, код за валидација CVC или 3 digit value (се наоѓа на задниот дел од картичката) и рокот на важност на картичката.
• Водете евиденција за интернет-сајтовите од кои купувате. Внимавајте по изборот на продукт/услуга при самото плаќање интернет сајтот да не ве редиректира на друга интернет страна која не ја поседува ознаката https://. Во ваков случај откажете го плаќањето / не ги внесувајте потребните податоци за извршување на плаќањето.
• Чувајте ја е-пошта од купувачот со сите податоци од нарачката - чувајте ја пораката и испечатете примерок од неа. Ова ќе ви помогне при проверка на трансакцијата на изводот, а корисно е и во случај на рекламација.
• Не користете јавен компјутер. Доколку сепак купувате преку јавен компјутер, при одлогирање од компјутерот не ги зачувувајте вашите податоци на истиот.
• Никогаш не испраќајте податоци за Вашата картичка доколку не сте ја иницирале Вие нарачката.

Најчесто поставувани прашања

Која е разликата помеѓу картичките American Express и Visa?
Силк Роуд Банка, издава повеќе видови картички од програмите на American Express и Visa. Проверете ги информациите за сите видови картички за физички лица кои ги издава Банката и одберете ја онаа која најмногу ви одговара на Вашите потреби и преференции.

Која е разликата помеѓу дебитна и кредитна картичка?
Дебитната картичка е поврзана со платежна сметка во денари во Банката и овозможува пристап до средствата од истата и тоа на сопствени средства на сметка зголемени за износот на одобреното пречекорување. Кредитната картичка овозможува пристап до кредитен лимит кој е одобрен од средства на Банката.

Дали сум заштитен кога користам картичка за плаќање преку интернет?
Со цел највисоко ниво на заштита при плаќање со картичките на интернет, Силк Роуд банка има воведено 3DES Secure сиурносен стандард. Овој протокол кај Visa картичките е познат под името Visa Secure и воедно претставува највисок меѓународен стандард за заштита. За уште поголема заштима Банката нуди можност за промена на лимит на картичка.

Како се добива кредитна картичка од Силк роуд банка?
Проверете ги информациите за сите видови кредитни картички кои ги издава Банката и одберете ја онаа која најмногу одговара на Вашите потреби.
За веб страната на Банката е овозможено online аплицирање за кредитната картичка (Силк Роуд банка ќе ве контактира доколку барањето е одобрено).

Колку време се чека за издавање на картичка?
Картичките се издаваат во рок од неколку дена од денот на поднесување на барањето.
Доколку картичката Ви е потребна за пократок рок, можете да побарате итно издавање на картичка во рок од 24 часа (важи за брендот Виса).

Дали со картичките на Силк Роуд банка можам да купувам преку Интернет?
Да, сите кредитни картички издадени од Силк Роуд банка можат да се користат за плаќање преку интернет.

Дали се наплатува провизија подигнување пари од банкомат / шалтер со картичка и при пазарење во трговија?
Провизија не се наплатува за подигнување на готовина со дебитни картички за физички лица од банкомати на Силк Роуд Банка. Банката наплатува провизија само за подигнување на готовина со картичка на туѓи Банкомати во земјата и во странство. Дополнително за дебитните картички од брендот Американ Експрес банката не наплатува провизија за подигнувања од банкоматите на НЛБ Банка. Трансакциите во трговија се без провизија.

Дали може да се менува дневниот лимит на картичка?
Да, банката нуди можност за промена на дневниот лимит на картичките согласно потребата на клиентите. Клиенитите имаат можност да направат промена на дневниот лимит на сите трансакции или да сетираат посебен лимити за подигнувања од Банкомат и посебен лимити за купувања во трговија.

Дали може една картичка да ја користат повеќе луѓе (на пример, членови на моето семејство)?
Картичката ја користи исклучиво лицето на чие име гласи картичката.
Доколку сакате вашите најблиски да имаат пристап до средствата од сметката на дебитната и/или кредитната картичка, за нив побарајте издавање на дополнителни картички.

Го заборавив ПИН кодот на картичката. Што треба да направам за да го добијам ПИН кодот?
Доколку го имате заборавено ПИН кодот ќе биде потребно лично да поднесете Барање за препечатување на нов ПИН код во некоја од експозитурите на Банката.

Што треба да направам во случај ако ја изгубам картичката?
Доколку картичката Ви е изгубена или украдена, потребно е истото веднаш да го пријавите во Службата за картички на тел. 02 3203 555 кој е отворен за телефонски повици 24 часа во денот, седум дена во неделата, преку целата година. Вработениот во Центарот веднаш ќе ја блокира картичката со што ќе се спречи евентуална злоупотреба и ќе Ви даде понатамошни упатства како да извадите нова картичка.